Download lagu NDAK PILIAH-PILIAH - CERAMAH BAHASO PIAMAN TANTANG COVID-19 #5 Mp3

Deskripsi:

Title:	NDAK PILIAH-PILIAH - CERAMAH BAHASO PIAMAN TANTANG COVID-19 #5
Contributing Artist:	Surau Milenial
Album:	NDAK PILIAH-PILIAH - CERAMAH BAHASO PIAMAN TANTANG COVID-19 #5 - Single
Date:	27 March 2020
Duration:	4 Menit 13.00 detik
Type of file:	Audio MP3 (.mp3)
Audio Summary:	mp3, 44100 Hz, stereo, s16p, 128 kb/s

NDAK PILIAH-PILIAH
Oleh: Afrinaldi Yunas
Dunsanak, #dumahjelah baa nyeh!
Iko ceramah nan kalimo kito. Supayo manyambuang e, nan alun sato mangikuti daghi partamo, eloklah babaliak sabanta dahulu buliah ndak dapek di ujuang e je. Kadang bisa lo salah paham kalau sato e di ujuang je nyeh. Bacolah di eFBi ko atau danga an di Chanel Youtube Surau Millenial,:
Kini kito mangaji Q.S. Al-Anfal [8] : 25.
وَٱتَّقُواْ فِتۡنَةٗ لَّا تُصِيبَنَّ ٱلَّذِينَ ظَلَمُواْ مِنكُمۡ خَآصَّةٗۖ وَٱعۡلَمُوٓاْ أَنَّ ٱللَّهَ شَدِيدُ ٱلۡعِقَابِ
Aratie:
Jo paliharolah dighi kalian dari fitnah nan ndak hanyo ditimpoan ka urang nan zalim diantagho kalian sajo. Jo katahuilah, sasungguahnyo Allah tu amaik padiah siksaannyo.
Baa nye sanak? Alah dapek kaba jo barito satantang jamaah Musajik Jamia' Kebon Jeruk, Jakarta Barat? Yaitunyo pado 26 Maret nan lalu ado tigo ughang jamaah nan shalat di sinan positif virus-19 tu, kasudahan ne kanai die labiah kughang 300 jamaah lain nan sihaik. Akibaik e tu kini sadolahe haruih dikarantina salamo ampek baleh aghi kamuko di musajik tu.
Co bayangan, kok kilaki e, ndak mancaghi nafkah gai e untuak keluarga e? Kok nyo padusi, ndak ka mangabehan laki jo anak-anak gai e dumah? Kasudahanne talantar kawajiban nan lain. Dek atu? ulah ndak amuah patuah ka ulama, pamimpin jo angku dokter.
Di kampuang awak ndak jauh beda jo itu do. Untuak dunsanak katahui, sajak kalua maklumat jo taushiyah MUI Kota Piaman patang tu, supayo shalat limo wakatu dumah je jo ndak usah pai ka jumaik untuak kilaki, ndak sadoe nan taaik do. Satidak e ado limo baleh musajik nan masih tatauk maadoan shalat jumat.
Kok sabauk alun sampai maklumat ko, tu ka baa lai, tapi kalau mukasuik e manyepelean atau dek ulah pamahaman nan kaliru, baa nan kaliru tu? contohe: ndak kamungkin gai ughang baiman ko ka kanai doh apo lai di musajik, umah Allah mah, cieklai awak kan suci nyo mah.
Nan model ko nan babahayo sanak. Kok ndak pakai ilmu nan mananti e, tadanga batue je tu nyeh. Itulah gunoe kito baraja taghuih. Apolai kiniko, kito sadang barado di masa fitnah (ujian). Yo paralu batanang dalam cahayo dalil syara' untuak manyikapi a nan tajadi ko.
Padohal Allah subhanahu wa ta'ala kan alah maingek an kito. Caliak lah ayat di ateh tadi. "paliharolah dighi kalian dari fitnah nan ndak hanyo ditimpoan ka urang nan zalim diantagho kalian sajo....." Tu kan? Kok Allah ka maagiah musibah, ujian atau apolah namo e, ndak pilih-piliah gai do. Kecek e untuak ughang nan zalim je ko lah. Ughang elok pun kalau ndak amuah mandanga nan diparintah atau ndak sato malarang nan mungkar, maghasai lo dek e nyeh.
Alah tu mah sanak. Siksaan Allah tu amaik padiah. Kecek e sanang dapek panyakik tu ko lah. Sabisa mungkin baupayo kito hiduk sehat, nyampang sakik juo itu lah bagian takdir dek awak mah. Nan ndak buliah kan manantang nan ndak jaleh je ko. Alah tumah, taat je ka ulil amri, ulama jo pamimpin jo saran angku dokter tu.
#Dumahjelah